Быйыл «Дидор» кинофестивалына Азербайжан, Армения, Ооганстан, Грузия, Индия, Иран, Кыргызстан, Казакстан, Монголия, Орусия, АКШ, Швейцария жана Германиядан 40 катышуучу чакырылган.
«Быйылкы «Дидор» кинофестивалы белгилүү тажик кинорежиссеру, киносценаристи жана кинопродюсери Бахтиёр Худойназаровдун элесине арналган, ошондуктан биз анын тасмаларынын ретроспективасына анын белгилүү төрт эмгегин кошууну туура көрдүк», – деди Тажикстандын Кинематографисттер биримдигинин төрагасы Сафар Хакдодов.
Анын айтымында, фестивалда 80 толук метраждуу жана кыска метраждуу тасмалар көрсөтүлөт. Алардын арасында «Эл аралык панорама: Батыш жана Чыгыш маданияттарынын диалогу», «Фарс тилдүү өлкөлөрдүн киносу: Ооганстандын, Ирандын жана Тажикстандын жаңы тасмалары» өңдүү тематикалык көрсөтүүлөр да болот. Бул программада өзгөчө көңүл аталган өлкөлөрдүн жаш кинематографисттеринин эмгектерине бурулат.
Эл аралык «Дидор» кинофестивалы 2004-жылдан бери эки жылда бир өткөрүлүп келет. Быйылкы кинофестиваль тажик жана өзбек кинематографиясынын түптөөчүсү Камиль Ярматовдун 110 жылдыгына арналган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ