Кечээ жакында интернет колдонуучуларынын бири Фейсбуктагы баракчасына видео жайгаштырды. Ал видеодо Бишкектеги милиция бөлүмдөрүнүн биринин жетекчиси кол алдында иштеген кызматкерди “Канча айтам, бул сойкуларга тийишпегиле деп?! Чалсам албайсыңар, силер атайын жасап жатасыңарбы?” деп урушуп жатканын көрүүгө болот. ИИМ министри Жунушалиевдин буйругу менен шаарды сойкулардан тазалайбыз деп күндөп-түндөп рейд уюштуруп, бир түндө мынча кызды кармадык деп ММКларга маек берип жаткан кызыл шапкечендер “Балык башынан сасыйт” болуп өзүлөрү сойкулар менен табакташ тура. Угушубузга караганда ал жетекчи Бишкек шаарындагы №10-милиция бөлүмүнүн Коомдук тартипти сактоо башкармалыгынын жетекчиси Пардабай Намазбаев аттуу милиция кызматкери болуп чыкты. Анын бул жоругунан кийин Ички иштер министрлиги кызматтык иликтөө жүргүзүп, жыйынтыгында ал кызматтан алынгандыгын кабарлады.
Булак: Ачык саясат
КОММЕНТАРИЙ КАЛТЫРУУ