Астанада кышкы Универсиаданын оту жандырылды. Эми аны Назарбаев Университетинен «Байтерек» монументине чейин шаардын борбордук көчөлөрү аркылуу көтөрүп өтүшүп, Алматыга жөнөтүшөт.
Универсиаданын отун жандырууга Казакстан президенти Нурсултан Назарбаев катышты. Ал бүгүн Астанада сүйлөп жатып өлкө дүйнөлүк масштабдагы иш-чараны татыктуу өткөрө аларына ишене турганын белгиледи.
Кышкы Универсиада Алматыда 20-январдан 8-февралга чейин өтөт. Мелдештерге 168 казак атлети катышат. Дүйнөлүк 28-кышкы Универсиаданын программасына спорттун 12 түрү кирген. Расмий маалыматтар боюнча оюндарга эки миңге жакын спортчу студенттин келиши күтүлүүдө.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ