Билим берүү жана илим министрлигин сазга тыккан Элвира Сариева учурда Президенттик аппаратта социалдык тармакка көзөмөл кылып отурат. Кезинде Өкмөттүн социалдык тармагын тейлеген вице-премьер министр, анан Билим берүү миңистри болуп, аталган тармактын таш-талканын чыгарып коюп, эми өзү чалмакей чалган иштерге сырттан байкоо салып маашырланып отурган чагы. Кандай парадокс. Мына ушул Сариева батырган сазга учурдагы Билим берүү министри Гүлмира Кудайбердиева да белчесинен батып кетти. Бул айым дагы дал эле Сариеванын изи менен баратат. Өкмөттүн социалдык тармагын тейлеп, вицелик жүктү аркалады. Эми билим берүү министри болуп отурат. Аты аталган тармактарды Сариева жетектеп турганда бул айым Президенттик аппараттын социалдык тармагын тейлечү. Азыркы тапта экөөнүн кызматы алмашып, орун алмашкандан сумма өзгөрбөй турганы аксиомага айланган чындык экенин далилдешүүдө. Өкүнүчтүүсү Кудайбердиева билим берүү тармагын жетектей баштаганы окуучулардын массалык мушташы өнөкөткө айланып, курман болгондор болууда. Демек эң кур дегенде тартипти сактай албай жатат. Анан КУУнун таш-талканын чыгарып жатат деген ректор Чынара Адамкулованы жактап, Жогорку Кеңеште эл өкүлдөрү менен салгылашып жүрөт. Алчусун алып койгонго?.. Деги пайда-батасы жок министрлерден качан арылчу күн келет?
Булак: “Фабула”
КОММЕНТАРИЙ КАЛТЫРУУ