Орусия казакстандык авиакомпаниялардын Сибирь аркылуу учуусуна уруксат берди. Бул тууралуу бүгүн Казакстандын Инвестициялар жана өнүгүү министрлиги билдирди.
Маалыматка караганда, казак авиакомпанияларына мындай укук Орусия менен Казакстандын ортосундагы узакка созулган сүйлөшүүлөрдүн жыйынтыгында берилди. Бул казак компанияларына Улан-Батор жана Токио багыттары боюнча кошумча каттамдарды ачуу мүмкүндүгүн берет. Андан сырткары казак жүргүнчү ташуучулары Астана — Байконур жана Алматы — Байконур багыттары боюнча каттамдарды аткаруу укугуна ээ болду.
Министрликтин басма сөз кызматы учууларга кандай шарттарда уруксат берилгенин так билдирген жок.
Булак: Борбор Азия жаңылыктар кызматы
КОММЕНТАРИЙ КАЛТЫРУУ