Актөбө облусунда «мунай уурдоо» иши боюнча шектелип жаткан Еркин Избасардын камактагы мөөнөтү 7-апрелге чейин узартылды. Тергөө анын мунай уурдоого жана мыйзамсыз мунай өнүмдөрүн сатууга шектелип жаткан топтун лидери болгонун билдирүүдө.
Күч түзүмдөрү тарабынан Актөбөдө өткөрүлгөн атайын операциядан кийин кармалган биринчи топтогу майып Еркин Избасарга жана анын шериктери делген адамдарга кылмыштуу топ түзүү, кылмыштуу жол менен мунай ташуу, сатуу жана сактоо айыптары тагылды. Азырынча ал операциянын алкагында канча адам кармалганы так айтыла элек, бирок бүгүнкү күндө кылмышка кеминде 22 адамдын шектелип жаткандыгы белгилүү.
Шектүүлөр аларга карата коюлган айыптарды четке кагышууда. Атайын операциянын жүрүшүндө мунай куюлган автоцистерналар алынып, кылмыштуу топтун бир нече мүчөсү камалганы кабарланган.
Булак: Борбор Азия жаңылыктар кызматы
КОММЕНТАРИЙ КАЛТЫРУУ