2017-жылдын февраль айына карата мамлекеттик ички жана тышкы карыздын өлчөмү 4 млрд. 153,19 млн. АКШ долларын же 287 млрд. 109,40 млн. сом түздү. Бул тууралуу Финансы министрлигинен билдиришти. Маалым болгондой, анын ичинен мамлекеттик тышкы карыз 3 млрд. 804.07 млн. АКШ доллары кыргыз сому менен алганда 262 млрд. 974.60 млн. сом. Ал эми мамлекеттик ички карыз – 349.12 млн. АКШ доллары же 24 млрд. 134.80 млн. сом.
Расмий маалымат боюнча, 1992-жылдан бери тыштан алынган карыздан Транспорт министрлиги жол оңдоого 2 млрд. 88 млн. сом акча каражат сарптаган. Ал эми бюджетти кармап туруш үчүн 1 млрд. 395 млн. сом, Энергетика тармагына 1 млрд. 595 млн. сом, айыл чарбага 573 млн. сом жумшалган.
Белгилей кетсек, быйыл өлкөнүн карызын жабуу үчүн бюджеттен 20 млрд. 156 млн. сом каражат каралган. Анын ичинен тышкы карызга 11 млрд, сом, ички карыз үчүн 9 млрд, сом бөлүнөт.
Булак: “Фабула”
КОММЕНТАРИЙ КАЛТЫРУУ