Астанда өтүп жаткан сотто прокурор Мангыстау облусундагы Oil Construction Company (OCC) ишканасынын кесиптик кошуун уюмунун эмгек инспектору, активист Нурбек Кушакбаевди үч жылга эркинен ажыратууну сурады. Ал мыйзамсыз иш таштоого айыпталууда.
Прокурор мындан тышкары Techno Trading компаниясына 25 миллион 200 миң теңге көлөмүндөгү материалдык чыгымды өндүрүп берүүнү сурады. Techno Trading компаниясынын өкүлү кандай чечим чыкса да, компания чыгымы төлөнсө жетиштүү болорун айтты.
Активист Кушакбаевдин адвокаттары анын күнөөсүз экенин эскертип бошотууну сурашты.
Жүздөгөн мунайчылардын катышуусундагы ачкачылык акциясы быйыл январда орун алган. Нааразылык акциясына Каламкас жана Жетыбай мунай кендериндеги жумушчулар да кошулушкан. Алар Көз карандысыз кесиптик кошуундар конфедерациясынын жабылышына каршы нааразылыгын билдирип, талаптарын бийликке жеткирүүнү көздөшкөн.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ