4-апрелде Өзбекстандын Карши шаарындагы мектептердин биринде күйөөсү аялын бычактап өлтүргөн окуя катталды. Күбөлөрдүн айтымында, 29 жаштагы биология мугалими Мухаббат Кучимова класста отурганда жолдошу кирип келип бир нече жолу бычак урган.
Мухаббат Кучимова алган жаракатынан улам дароо көз жумган. “Мухабат нөөмөттө болчу. Ал класста жалгыз отурганда күйөөсү атырылып кирип келип бир нече жолу бычак сайган. Учурда мектептегилердин баары дендароо болуп турат”,–деди маркум мугалимдин кесиптештеринин бири.
Биология мугалимине жолдошу эмне себептен кол салган азырынча белгисиз.
Карши шаарынын милициясы кылмышкер окуя болгон жерден качып кеткенин, учурда аны издөө иштери жүрүп жатканын билдирди.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ