Түштүк-Казакстан облусунун соту Казакстанда тыюу салынган «Таблиги Жамаат» диний уюмунун идеаларын жайылтуу айыбы менен жергиликтүү жети тургунду ар түрдүү мөөнөттөргө эрктеринен ажыратты.
ММКлардын билдиришинче, топтун лидери жана анын тарапташы деп айтылып жаткан эки адам төрт жылга кесилди, калгандарына карата жатак абагына бир жылга эркинен ажыратуу чечими чыгарылды. Соттолгон жети адам тең сот залында камакка алынды.
Коопсуздук кызматы топтун мүчөлөрүн өткөн жылдын ноябрында кармаган. Аларга карата «Экстремистик же террордук деп табылган уюмдун ишмердүүлүгүнө катышуу» беренесинин негизинде кылмыш иши козголгон.
Тергөөнүн версиясы боюнча кармалгандардын экөө 2000-жылдардын башында «Таблиги Жамаатка» мүчө болуп, чет өлкөдө окуп келишкен. Соттун материалдарына ылайык, алар Карабулак жана Карасу айылдарындагы мечитте жана жашоочулардын үйлөрүнө барып үгүт иштерин жүргүзүшкөн. Соттолгондордун айыптоолорду четке каккандыктары айтылууда.
Казакстанда «Таблиги Жамаатка» 2013-жылдын февралынан бери тыюу салынып, соттун чечими менен экстремисттик уюмдардын катарына киргизилген. Бийлик уюмдун максаты аймакта исламисттик халифат орнотуу экенин айтып келет.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ