Орусия Асад тарабынан химиялык курал колдонулду деп шектелип жаткан Сириядагы чабуулду айыптаган БУУнун Коопсуздук кеңешинин резолюциясына вето койду. Орусия Коопсуздук кеңешинин туруктуу мүчөсү болгондуктан, Батыш өлкөлөрүнүн сунушу өткөн жок.
Резолюция Дамасктан окуя болгон күнү жасалган бардык аба операциялар тууралуу маалымат талап кылган. Батыш өлкөлөрү тарабынан даярдалган документ керектүү он добуш топтогон. Буга байланыштуу Орусиянын өкүлү Владимир Сафронков вето койгон. Сириядагы Башар Асаддын режимин айыптаган резолюцияларга Орусия ушуну менен жетинчи жолу каршылык көрсөтүүдө.
Резолюция үчүн Коопсуздук кеңешинин 10 мүчөсү “макул”, экөө – Орусия менен Боливия каршы добуш берсе, үч өлкө, алардын ичинен Кытай добуш берүүдөн карманды.
Орусия Сириядагы химиялык куралдын колдонулушуна оппозиция жоопкерчиликтүү деп эсептейт. Бирок АКШ бардык фактылар Асаддын режими күнөөлүү экенин көрсөтүп жатканын ырастоодо.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ