Казакстанда үй-бүлөлүк зордук-зомбулук үчүн административдик камоолорду үч сааттан бир суткага чейин узартуу сунушталууда. Бул тууралуу өлкөнүн башкы прокурору Жакип Асанов билдирди.
Көзөмөл орган маалымдагандай, 2016-жылы үй-бүлөлүк зомбулуктун айынан 36 аял жана бир бала көз жумган. Дагы 2500дөй аял жана 851 бала сексуалдык ыдык көргөн.
Буга байланыштуу Башкы прокуратура үй-бүлөлүк зомбулуктун курмандыктарын коргоого багытталган нике менен үй-бүлө, административдик жана жаза кодекстерине өзгөртүүлөрдү киргизип, парламенттин кароосуна жөнөттү. Мындан тышкары окуу программасына тарбия жана социализация боюнча атайын курстарды киргизүү сунушталууда.
Казакстандын ИИМ министри Калмуханбет Касымов үй-бүлөлүк “чоң муштумдарды” жазалоону камсыздоо үчүн эки суткага чейин камоону демилгеледи.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ