Өлкөдө инвестициялык виза алуунун жаңилдетилген тартиби ишке кирди. Документке ылайык, инвестор белгилүү бир мөөнөт аралыгында Кыргызстанга ээн- эркин келип, тендерлерге катыша алат.
Экономика министрлигинин алдындагы Инвестиция жана экспортту илгерилетүү агенттиги маалымдагандай, мындай чечим чет өлкөлүк түз инвестицияларды тартуу жана инвестициялык климатты жакшыртуу максатында кабыл алынды. Тип I үлгүсүндөгү инвестициялык виза инвесторго же чет өлкөлүк инвестициялык компаниянын башчысына жана анын үй-бүлө мүчөлөрүнө үч жылга берилет.
Бул визага ээ болгон инвестор үч жыл бою өлкөгө ээн-эркин кирип, тендерлерге жана аукциондорго катышуу мүмкүнчүлүгүн алат.
Инвестициялык визаны алуу үчүн кыргыз экономикасына салым кошорун далилдеген, 10 миллион сомго тете акчалай жана материалдык баалуу байлыктарын тастыктаган документтерди көрсөтүшү керек.
Мындан тышкары инвесторлордун үй-бүлөлөрү үчүн F үлгүсүндөгү виза киргизилүүдө. Ал бир жылга, кайра узартуу мүмкүнчүлүгү менен берилет. Бирок алардын иштөөсүнө уруксат жок.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ