Алматынын борбордук мечитинде бош жумуш орундарынын жарманкеси өтүүдө. Бийлик өкүлдөрүнүн кабарлашынча, жума намазга эл көп чогулгандыгына байланыштуу иш-чара ушул жерде уюштурулган.
Жарманкеде жеке уюмдар жүздөгөн бош орундарды сунуштоодо. Расмий маалыматтар боюнча шаарда 48 миң киши расмий түрдө жумушсуз катары каттоодон өткөн.
Жарманкеде негизинен тазалык кызматкерлери, күзөтчүлөр талап кылынууда. Арасында программист, экономист, бухгалтердик эсеп билимин талап кылган жумуштар дагы бар. Иш-чараны “Нур Отан” партиясынын жергиликтүү филиалы жана Казакстан Мусулмандар дин башкармалыгы уюштурууда.
Маалыматтарга караганда, буга чейинки жарманкелерде 260 киши иш менен камсыздалган. Жумуш жарманкелерин мындан ары ар жума күндөрү ири мечиттердин алдында өткөрү пландалууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ