Кечээ жакында парламентте арак менен тамеки жөнүндө мыйзам долбоорун депутаттар талашып-тартышьш атканын көрүп, каным кайнап кетти. Эл шайлаган депутаттар, сиздер отурган креслоңордон алыс кеткен жоксуңар. Айыл жана алыскы райондогу карапайым элдердин турмушу жөнүңдө учкай эле кабардарсыңар. Тээ алыста, тоо арасында, ыркыраган суукта, тала-түздө тамекиден башка эрмектей турган эчтемеси жок, ошонун күчү менен таң атырып, малын багып, чөбүн чаап күн өткөзүп жүргөн байкуштарды аяган жоксуңар жана оюңарга келген деле жок. Көп жылдап тамекиге көнгөн киши «тамеки кымбаттап кетти» деп, жаман илдеттен бир эле күндүн ичинде арыла койбойт. Чеккен тамекисин таштабайт. Кымбатына карабай сатып алып чеге берет. Парламентте отурган депутаттардын басымдуу бөлүгү бизнесмендер. Алар арак менен тамекинин адамга зыяндуулугун шылтооломуш этип, бааларын көтөрүп атышат. Ансыз деле күн сайын кымбатчылык каптап келатат. Айласы кеткен эл акыры арактын ордуна самогонго, тамекинин ордуна насвайга өтөт. А булардын адамга зыяны жок дейбизби, ушу жөнүндө ойлонушту бекен биздин эл өкүлдөрү? Кыскасы, бул мыйзамыңар карөзгөй тономой мыйзам болуп калды. Андан көрө иштей турган таза мыйзамды айылга барып шашпай жазып келсеңер болмок.
Темирбек МАМБЕТАЛИЕВ, Нарын облусу
Булак: “Азия Ньюс”
КОММЕНТАРИЙ КАЛТЫРУУ