Ашхабадда бензин үчүн узун кезек пайда болууда

Айдоочулар жеңил жана жүк ташуучу унаалары менен катар канистрлерге дагы бензин толтуруп кетишүүдө.

2-май күнү эртең менен шаардын четиндеги беш май куйуучу жайда бензин болгон жок.

Бензин наркынын жогорулоосу тууралуу айың-кеп чыккандан кийин дүрбөлөң башталды. Бул арада расмий медиа менен мамлекеттик мекемелер күйүүчү майлардын наркын көтөрүү боюнча өкмөттүн планын кабарлаша элек.

Түркмөнстанда акыркы жолу бензиндин баасы президенттин көрсөтмөсү менен 2015-жылы январда көтөрүлгөн. Анда автоунаалар керектөөчү майдын баасы 60% өскөн.

А-95 үлгүсүндөгү бензиндин наркы 1 манатты түзөт. Өлкөдө расмий курс боюнча 1 доллар 3,5 манатка барабар.

Булак: “Борбор Азия жаңылыктар кызматы”