Өзбекстанда медициналык билими жок жана атайын уруксатсыз адамдарды дарылоо менен алектенип жаткандарга карата кескин чаралар көрүлүүдө. Бул тууралуу өлкөнүн Саламаттыкты сактоо министрлигинен билдиришти.
Мекеме кызматкерлеринин биринин айтымында, өлкөдө адам өмүрүнө коркунуч жараткан элдик дарыгер аталган табыптардын ишмердүүлүгү тыкыр көзөмөлдө.
Жакында эле Фергана облусунун Маргилан шаарында бир жигит адамдарды мыйзамсыз дарылоо менен алектенген табып Эрали Шералиевдин дарылануу курсунан өткөн. «Ҳуқуқ» («Укук») гезитинин маалыматына караганда, табып тери оорусуна даттанып кайрылган ал жаранга туура эмес диагноз коюп, денесине чочконун майы жана мумия аралашкан май сүйкөп, сыртынан целлофан менен ороп дарылаган.
Соттук-медициналык экспертизанын корутундусуна ылайык, дарылоонун бул ыкмасы бейтаптын нерв жана кан айлануу системаларын бузуп, дем алуу жолдорун зыянга учураткан. Андан сырткары зат алмашууну бузуп, мээсинин шишип кетишине шарт түзгөн. Бул иш боюнча жалган дарыгер кылмыш жоопкерчилигине тартылган.
Медициналык билими жок «дарыгерлер» өздөрүн интернетте жигердүү жарнамалашат.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ