Э.З.Гареев атындагы Ботаникалык бак 27-майда саат 11:00дө Эл аралык био ар түрдүүлүк күнүнө карата иш-чара уюштурат. Белгилүү датанын быйылкы жылдагы темасы био ар түрдүүлүк жана туруктуу туризм болуп, иш-чарада экосистема жана ландшафттын ар түрдүүлүгү туризмдин өнүгүшүнө жана өлкөнүн экономикалык өсүшүнө таасир эте тургандыгы катышуучуларга түшүндүрүлөт.
Уюштуруучулардын пикири боюнча туризм – жергиликтүү био ар түрдүүлүккө эки тараптуу (жаман-жакшы) таасир этиши мүмкүн. Ал эми Кыргызстандын жана дүйнөнүн ар кыл түрлөргө бай флорасы менен таанышуунун эң оңой жолу Ботаникалык бак болуп эсептелинет деп айтылат.
Иш-чаранын программасына төмөндөгүлөр камтылат:
– Экологиялык-туристтик жол менен экскурсияга чыгуу: экскурсоводдун коштоосунда жалгыз аяк жол менен жүрүп флоранын жана фаунанын кызыгын көрүүгө болот;
– “Кыргызстандын жана Борбордук Азиянын флорасы” аталышындагы көргөзмөдө: гүлдүү, дарылык касиети бар, жыпар жыттуу, эфир-май бөлүп алынчу өсүмдүктөр коюлат;
– Дүйнөнүн ар бурчунан алынып келинген декоративдик өсүмдүктөрдүн көргөзмө-ярмаркасы болот;
– Балдарга арналган программалар: балдар менен биргеликте чоңдор дагы жаныбарлар жана өсүмдүктөр дүйнөсүндөгү кызыктуу фактылар тууралуу маалымат ала алышат;
Иш-чара УИАнын Е.З. Гареев атындагы Ботаникалык багы, “Ырыстан” жана “Инициатива Арча” коомдук фонддору тарабынан уюштурулган иш-чара Ахунбаев 1 А (Шабдан Баатыр көчөсү менен кесилишет) дарегинде өтөт.
КОММЕНТАРИЙ КАЛТЫРУУ