Кишиневдун мэри Дорин Киртоакэ жемкорлукка шектелип бейшемби күнү кечинде кармалды. «Интерфакс» өлкөнүн Коррупцияга каршы күрөшүү боюнча улуттук борборунун басма сөз катчысы Анжела Старинскаяга шилтеме кылып билдиргендей, Киртоакэ кызмат абалын кыянат пайдаланган деп дагы айыпталууда.
Калаа башчысы кармалганга чейин анын иш бөлмөсүндө бир нече саат тинтүү жүргүзүлгөн. Мэрия имаратынын алдында Киртоакэнин тарапташтары менен каршылаштары митингге чыгышты. Алардын жарымы «Мэрге эркиндик!» деп кыйкырып жатышса, экинчи тобу «Камалыш керек!» деген ураандарды айтышууда. Киртоакэнин өзү болсо бул боюнча комментарий берүүдөн баш тартты.
Мурдараак Кишиневдун эки вице-мэри, шаардык транспорт башкармалыгынын башчысы жана транспорт министри камакка алынган. Алардын баары тең Киртоакэ төрага орун басары эсептелген европачыл Либералдык партиянын мүчөлөрү.
Дорин Киртоакэ Молдованын борбору Кишиневду 2007-жылдан бери башкарып келген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ