Ысык-Көл губернаторлугунан кол жууган Асхат Акибаевге тиешелүү күбүр-шыбыр кеп кайрадан тарай баштады. Жакынкы күндөрү экс-губернатор Түрк тилдүү мамлекеттердин кызматташтык кеңешинин баш катчысынын орун басары (кезегинде Адахан Мадумаров аркалаган кызмат) болоору каңкууланууда. Эсиңерде болсо, бул кызматтын өлкөбүздөгү буга дейре эки ирет жүз берген Көчмөндөр оюндарын өткөрүүдө вазыйпасы чоң болгон. Губернатор катары Акибаевдин да ири саамалыкты өткөрүүдө эмгеги эбегейсиз экендигин эске алуу менен анын бул кызматка бап келерин аңдашса керек. Президенттик аппараттын башчысы Сапар Исаков өткөндө Акибаев жаткан ооруканага барып, бир саатча бекинип алып сүйлөшкөнүндө кеп бар эле да. Маселе бышып калса, буга дейре губернатор катары тажрыйба күтүп калбадыбы, арабаны тартып кеткенге жараар.
Булак: “Азия Ньюс”
КОММЕНТАРИЙ КАЛТЫРУУ