Буга чейин Афганистанда жана жакында эле Лондондо болгон терактык жардыруулар ондогон адамдардын өмүрүн кыйып, канчалары оор жаракат алып өлүм менен алышууда. Алардын ичинен аман калган ондогон адамдардын өмүр бою майып болуп калуу да коркунучу бар.
Террорчулар адамдардын өмүрү менен эсептешпей, аларды аёсуз жана өтө мыкаачылык менен өлтүрүү жолуна түшүп алышты. Дүйнөнү терроризм акырындап каптап келе жатканы өкүнтө турган көрүнүш.
Кыргызстанда жана Борбордук Азия мамлекеттеринде мындай террордук кол салуулар азырынча катталбаганы менен бул келечекте биздин регионду да каптай турган өтө чоң коркунуч болуп саналат.
Ошондуктан террордук аракеттерге каршы өлкөнүн ар бир жараны өтө чоң жоопкерчилик менен күрөшүшү керек.
Кабулда жана Лондондо болгон жардыруу ар бир Кыргызстандыктын жана Борбордук Азия чөлкөмүндө жашаган элдердин жүрөгүн оорутуп, түйшөлтө турган кайгы. Афганистанда жана Англияда болгон жардырууга дүйнө эли көңүл айтып, алар менен бирге экендиктерин билдирип жатышат. Террорго каршы дүйнө эли бирге күрөшүшүбүз зарыл.
Бул террордук кол салууда курман болгондорго көңүл айтып, алардын кайгысын тең бөлүшөбүз. Жаракат алгандардын тез сакайып кетишин кудайдан тилейбиз.
Булак: “Майдан”
КОММЕНТАРИЙ КАЛТЫРУУ