Саясаттын чордонунда жылдызы жанып турган Өмүрбек Бабанов айланасындагы командасын чындап, ишенимдүү жана күчтүү фигураларды өзүнө тарта турган мезгил келди. Азырынча Бабановдун жанында аттуу-баштуу, коомчулукта аброю жогору саясатчылар саналуу гана. Ошолордун бири – эрки күчтүү Өмүрбек Суваналиевдин карааны жүрөк жылытат. Себеби, генералдын репутациясы таза, күч органдары жаатында кадыр-барктуу, ал эми саясый айдыңда андан баары чочулап турушат. Убагында бир топ саясатчыларды «сүзүп» койгон жайы бар. Алдыдагы чоң кармашта Бабановду кайраттуу «Комиссар Каттани» сүрөй берсе, ар кандай тоскоолдуктарга туруштук беришери ажеп эмес. Негизи эле генарал Суваналиев туура акыл-насаат айтканы, сатпаганы, өзгө бекемдиги менен кыйын күндө бел болорун билебиз. «Жандооч кийик аттырат» дегендей, эгерде эки эрендин ынтымагы кыттай уюп турса, буюрса алдыдагы жеңиштерди багындырмакчы.
Булак: “Азия Ньюс”
КОММЕНТАРИЙ КАЛТЫРУУ