26-июндан 27сине караган түнү Свердлов райондук ИИБге бычак менен жаракат алган жаран тууралуу билдирүү түшкөн. Окуя болгон жерге оперативдүү тергөө тобу чыгып, окуянын себептерин изилдешкен.
Алдын-ала маалыматтарга караганда 26-июндун түнү 4 жаш курактагы адамдар (2 эркек, 2 кыз) отуруш уюштурушкан. Ал учурда жаштардын кээ бирлери спирттик ичимдиктерди ичишкен.
Болжол менен түнкү 23:00 дө алар тез жардам кызматын чакыртышкан, анын себеби 1991-жылы туулган Т. Б.нын, отуруш уюштурган үйдүн ээсинин көкүрөк тушка бычак менен жаракат алгандыгы болгон. Бирок жанындагылары тез жардамдын келишин күтпөй өздөрү ооруканага жеткирүүнү чечишкен, тилекке каршы жаракат алган бала жолдон жан берген.
Үйдүн ээси отуруш учурунда жанындагы кызга сүйүүсүн билдирип, ал сүйүүсү үчүн өлүмгө да даяр экенин айтканы белгилүү болууда. Анын сөзү чындык экенин билдирүү үчүн өзү бычакты ал кыздын колуна карматкан. 18 жаштагы кыз ошол замат бычак менен жигитти көкүрөк тушка сайган. Жыйынтыгында жаракат жаш баланы өлүмгө алып келген. Учурда кылмышка шектүү кыз камакка алынып, дагы изилдөө иштери улантылууда.
Кээ бир маалыматтарга таянсак, каза болгон жаран Бишкек шаарынын Свердлов районунун мамлекеттик атайын күзөт кызматынын жетекчилигинин астындагы күзөт кызматында иштеген.
КОММЕНТАРИЙ КАЛТЫРУУ