4-июль күнү Кара-Буура районунун ички иштер бөлүмүнүн кызматкерлери тарабынан Кызыл-Адыр айылынын 31 жаштагы А. Н. аттуу жашоочусунун убактылуу ижарага алып жашап жүргөн үйүн текшерүү үчүн ыкчам-иликтөө иш-чарасы жүргүзүлгөн. Бул туурасында Талас ОИИБдин Басма сөз кызматы билдирет.
Бул үйдө убактылуу жашаган жашоочулардын өздүктөрү такталып, текшерүү учурунда үйдүн чатырынан салмагы 865 граммды түзгөн кургатылган кара куурайды табышкан. Жогоруда көрсөтүлгөн факты боюнча тиешелүү текшерүүлөр болуп, экспертиза жүргүзүлүүдө. Жакынкы күндөрү баңгизатын мыйзамсыз сактагандыгы үчүн кылмыш иши козголгону турат. Кармалган жаран убактылуу кармоочу жайга киргизилип, тергөө амалдары жүрүп жатат.
КОММЕНТАРИЙ КАЛТЫРУУ