Бейшембиде Венесуэлада өкмөттүн саясатына каршы акциялар өттү. Көтөрүлүшчүлөр полиция менен кагылышып, эки киши мерт кетти.
Өлкөнүн көптөгөн шаарларында соода түйүндөрү жана транспорт кыймылы токтоду. Көчөлөргө тосмолор орнотулду. Каракас шаарынын оппозициянын тиреги болгон аймактарында жашоо дээрик токтоп калды. Полиция өкмөттүк телеканалдын имаратына чогулган демонстранттарга көздөн жаш агызуучу газ колдонушту.
Демонстрациялар мартта башталган. Оппозиция өкүлдөрү маркум Уго Чавестин ордун баскан президент Николас Мадуронун өкмөтүнөн, Конституцияны өзгөртпөөнү, мөөнөтүнөн мурда шайлоо өткөрүүнү, камактагы активисттерди бошотууну, оппозицияга эркиндик берүүнү талап кылышууда.
Оппозиция өкүлдөрү өлкөдөгү жумушчулардын 85% иш таштоого катышканын билдирсе, Николас Мадуро жүздөгөн ишканалар 100% иштөөсүн улантып жатканын айтты.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ