“Эркин Мамбеталиев 2003-жылга чейин менин жансакчым болчу. андан бери 14 жыл өттү. Ал убактан бери канча жансакчы алмашты, бирок көпчүлүк дагы эле Мамбеталдиев менен Атамбаевди байланыштыргысы келип жатат”, – деп билдирди Алмаз Атамбаев бүгүн, 24-июлда Чолпон-Атадагы мамлекеттик N 2-резиденцияда журналисттерге берген акыркы жайкы маалымат жыйынында.
“Эркин Мамбеталиевден кийин менде көп башка жансакчылар болду. Эгер Мамбеталиев Атамбаев менен болгондо, анда ал азыр башка болмок. Бирок ал Атамбаевди өлтүргүсү келген Рысбек Акматбаевдин тобуна кошулуп кетип калган, Рыспектин оң колу болуп жүргөн, бирок эмнегедир мунун баарын бат эле унутуп коёсуңар да”, – деди ал.
“Мен, мени Мамбеталиевдин окуясы менен каралоого аракет кылгандарга оюңардан кайткыла деп чакыруу жасайт элем. Айтып коюшат эмеспи, “танка баткактан коркпойт”. Мен, мени каралоону аракет кылгандарды аябайм”, – деди Атамбаев.
Булак: Кyrgyztoday.kg
КОММЕНТАРИЙ КАЛТЫРУУ