Астанада «Абу-Даби Плаза» курулуш аянтындагы мушташ боюнча эки кылмыш иши козголду. Бул тууралуу Казакстандын башкы прокурору Жакип Асанов билдирди.
Анын айтымында, кылмыш ишинин бирөөсү турмуштук чыр, экинчиси жалган маалымат боюнча козголду. Прокурор эгер чет өлкөлүк жумушчулардын тартип бузгандыгы далилденсе, аларды өлкөдөн чыгаруу чечими сот тарабынан кабыл алынарын кошумчалады.
Өлкөнүн саламаттыкты сактоо министрлигинен билдиришкендей, окуядан кийин түрдүү жаракаттар менен эки өлкөнүн бирден жараны ооруканага жаткырылган.
Кечээ өлкөнүн ИИМи Астана шаардык Ички иштер департаменти «Бейбаштык» беренеси менен катталган кылмыш ишинин алкагында шектүүлөрдү аныктаганын билдирген.
Полициянын маалыматы боюнча сегиз кишиге карата административдик кылмыш иши козголуп, материалдар сотко жөнөтүлдү.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ