Франция 2040-жылга карата дүйнөдө биринчилерден болуп газ жана мунай өндүрүүдөн баш тартат. Ушул эле мезгилди утурлай өлкө дизель жана бензин менен жүрүүчү автоунааларды сатууну дагы токтотот.
6-сентябрда өкмөткө жөнөтүлгөн мыйзам долбоорунда өлкө аймагындагы кендерди иштетүүгө жаңы лицензияларды берүүнү токтотуу, акырындык менен учурдагы уруксат кагаздардан баш тартуу каралган.
Ошол эле маалда импорт жана мунай менен газды кайра иштетүү улантылат, себеби Франция жылына болгону 6 миллион баррелдин тегерегинде көмүрсуутек отундарын өндүрөт – бул өлкөдөгү суроо-талаптын бир пайызын гана түзөт.
Климат боюнча Париж глобалдык келишимин аткаруунун алкагында Франция 2022-жылга чейин көмүр менен иштеген жылууулук электр борборлорунан баш тартып, электр энергиясын өндүрүүдөгү атомдук электр станцияларынын үлүшүн 75 пайыздан 50 пайызга чейин кыскартууну пландоодо.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ