Жалал-Абад шаарындагы өнөр жай ишканалары быйылкы сегиз ай ичинде өнөр жай продукцияларын чыгаруунун көлөмүн өткөн жылдын ушул мезгилине салыштырмалуу салыштырма бааларда 115,4 пайызга өстүрүштү. Бул тууралуу шаар мэриясынын экономикалык өнүктүрүү бөлүмүнүн башчысы Салижан Умаров билдирди.
Анын айтымында, быйылкы жылы сегиз айда өндүрүлгөн өнөр жай продукциясынын көлөмү 1 миллиард 937,4 миллион сомго жеткен. Ал эми өткөн жылы ушул мезгил ичинде өндүрүлгөн продукциянын көлөмү 1 миллиард 679,4 миллион сомго барабар болгон. Ошондо бы йылкы жылда 258 миллион сомдук продукция көп өндүрүлдү.
-Азыркы тапта өнөр жай ишканаларынын негизги иш багыты өндүрүлгөн продукцияны сатып өткөрүү рыногун кеңейтүү жана сырткы өнөктөр менен тыгыз иштешүү болуп атат, – дейт С. Умаров.
КОММЕНТАРИЙ КАЛТЫРУУ