Алмазбек Атамбаев бүгүн, 19-октябрда «ЕАЭБ шарттарында ишкерликти өнүктүрүүнүн социалдык-экономикалык проблемалары» эл аралык илимий-практикалык конференциясынын ишине катышуу үчүн өлкөбүзгө келген Россия Федерациясынын Президентинин кеңешчиси Сергей Глазьевди кабыл алды. Бул туурасында президенттин расмий сайты жарыялады.
Жолугушуунун жүрүшүндө Евразиялык экономикалык бирликтин ишмердигинин актуалдуу маселелери боюнча, тактап айтканда бирикменин катышуу-өлкөлөрүнүн ортосунда экономикалык интеграция процесстерин мындан ары өнүктүрүү, интеграциялык процесстердин бардык катышуучуларынын кызыкчылыктары үчүн айрым өлкөлөрүнүн ортосунда өз ара соодада тоскоолдуктарды алып салуу боюнча биргелешкен чараларды кабыл алууга тиешелүү маселелер боюнча пикир алмашышты.
КОММЕНТАРИЙ КАЛТЫРУУ