Мурдагы орусиялык офицер Денис Хисамов “Ислам мамлекети” террордук уюмуна коллекторлор менен болгон маселесинен улам кошулган болушу ыктымал. Бул тууралуу “Коммерсантъ” Хисамовдун жакындарына шилтеме берүү менен билдирүүдө. Буга чейин Түркия орус офицерин Душанбеге экстрадициялаганы кабарланган.
“Коммерсантка” белгилүү болгондой, 2014-жылы Хисамов банктардын биринен насыяга BMW үлгүсүндөгү жолтандабас алган. Орусия Коргоо министрлигинин капитаны кайсы бир себептерден улам насыяны төлөгөн эмес. Банк коллекторлорго кайрылып, алар Хисамовго кысым көрсөтүшкөн. Мындан соң ал автоунаасын сатып, акчасына жалган тажик паспортун алып, Түркияда ИМ тобуна кошулуп кеткен.
Ошол эле маалда Хисамовдун жакындарынын бири ал ИМге идеологиялык түшүнүк менен кириши мүмкүн экенин да четке каккан жок.
Маалыматтарга караганда, Хисамов – Краснодарда туулган, жогорку билимдүү, техника илимдеринин кандидаты. 2004-2009-жылдар аралыгында Орусиянын Коргоо министрлигинде иштеген.
Орус бийлиги Хисамовдун кармалышы боюнча комментарий бере элек.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ