Киев соту казакстандык блогер Жанар Ахметти 18 күнгө камоо чечимин чыгарды. Бул тууралуу Украинанын Hromadske агенттиги Ахметтин адвокаты Владислав Грищенкого шилтеме кылып билдирди.
Басылманын маалыматы боюнча адвокат соттун чечимин даттанууга ниеттенүүдө. Өкүм окулгандан кийин Ахмет ачкачылык жарыялаганын билдирген. Быйыл жазында Казакстандан качып, Украинадан саясий баш паанек сураган Жанар Ахмет 21-октябрда Киевдин четинде кармалган.
Прокурор сотто Жанар Ахмет Казакстанда «2005-жылдан 2008-жылга чейин жасаган алдамчылык аракеттери үчүн» издөөгө алынганын, ошол эле маалда 2009-жылы ал ушундай эле айыптоо менен кылмыш жоопкерчилигине тартылганын белгилеген.
«Соттолуп, жазасын өтөгөндүгү үчүн адамды кайрадан жоопкерчиликке тартуу Казакстандын дагы, Украинанын дагы Конституциясы боюнча мүмкүн эмес», — деди адвокат.
Казакстанда Ахмет 2005-2008-жылдар аралыгында алдамчылык кылган деген айып менен соттолгон. 2010-жылы августта сот блогердин жаза мөөнөтүн уулу 14 жашка чыкканча деп 2021-жылга чейин жылдырган. Казакстан бийлиги Ахмет баласы менен өлкөдөн чыгып кеткенден кийин ага эл аралык издөө жарыялаган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ