Акыркы мезгилде Кыргызстандын ири шаарлары Сицилияга окшошуп баратат. Анткени карапайым адамдарды чак түштө уруп-сабап, үйүндө талап-тоноп, ал тургай ит аткандай атып кетүү кадыресе көрунүшкө айланууда. Мына ушундай окуя 6-ноябрга караган түнү Бишкектеги Көк-Жар жаңы конушундагы үйлөрдүн биринде болду. Бул ирет түнкү саат экилерде беткапчан төрт-беш кылмышкер Улан Салянов аттуу 42 жаштагы жигитти аялынын, баласынын көзүнчө атып кетишти. Ал экс-башпрокурор, азыркы бийликке оппозициялык көз караштагы “Ата Мекен” фракциясынын депутаты Аида Салянованын бир тууган иниси болуп чыкты. Алгач кылмышкерлер үйгө кирип, 17 жаштагы баласын уруп-сабай башташканда, ага атасы болуша кетип, эки ирет ок жеген. Андан соң кылмышкерлер качып кетишкендиги айтылууда. Бирок маркум эч кандай саясатка же чуулгандуу иштерге аралашпагандыгы, машина ондоочу жайда иштеп, келинчеги экөөсү тең дин жолунда болгондугунан улам НИМ бул өлүмдүн артында эч кандай саясый себеп жоктугун, эшик, дарбазасы жок үйгө кылмышкерлер карактоо үчүн гана киришкендигин билдирди. Демек, биздин милициянын логикасы боюнча карапайым адамдарды түн жарымда жаткан жеринде тоноп, атып кете берсе болобу? Деги эле эмнеге мындай түн жамынган маскачандар көбөйуп кетти?
Булак: “Майдан.kg”
КОММЕНТАРИЙ КАЛТЫРУУ