Бүгүн, 27-декабрда Жогорку Кеңештин жыйынында “Салык жол-жоболорун фискалдаштыруунун электрондук системасын жайылтуу маселелери боюнча КР айрым мыйзам актыларына өзгөртүүлөрдү киргизүү жөнүндө” мыйзам долбоору (Салык кодексине, “Мамлекеттик социалдык камсыздандыруу жөнүндө”, “Милдеттүү мамлекеттик социалдык камсыздандыруу максатында КР жарандарын жекече (индивидуалдык) эсепке алуу жөнүндө”, “КРда инвестициялар жөнүндө” мыйзамдарга) 1-окууда каралды. Бул туурасында ЖК басма сөз кызматы билдирет.
Мыйзам долбоору боюнча КР экономика министри Артем Новиков баяндама жасады. Мыйзам долбоорунун концепциясы Салык жол-жоболорун фискалдаштыруунун электрондук системасын жөнгө салууга багытталган.
Мыйзам долбоору 1-окууда добуш берүүгө жиберилди.
Жыйын жүрүшүндө КР экономика министри Артем Новиков баяндама жасаган “Товардык кампалар жана кампа күбөлүктөрү жөнүндө” мыйзам долбоорунун концепциясы дагы добуш берүүгө жолдонду.
Мыйзам долбоору айыл чарба продукцияларын өндүрүү жана кайра иштетүү менен иш жүргүзгөн ишкердик субъекттерине мүмкүнчүлүктөрдү берүүгө багытталган жаңы финансылык инструментти киргизүү, адистешкен товардык кампанын ээси тарабынан берилүүчү кампа күбөлүктөрүн колдонуу аркылуу кредиттик ресурстарга жетүүнү камсыздоо максатында иштелип чыккан.
Бул мыйзам долбоору экилтик кампа күбөлүгүн, анын бөлүктөрүн – кампа күбөлүгүн жана күрөө күбөлүгүн, жөнөкөй кампа күбөлүгүн берүүгө байланыштуу келип чыгуучу укуктук мамилелерди жөнгө салууну, ошондой эле продукцияны кампада сактоого кабыл алуучу товардык кампалардын, жөнөкөй жана экилтик кампа күбөлүктөрүн кармоочулардын жана ыйгарым укуктуу органдардын укуктарын жана милдеттерин жөнгө салууну карайт.
КОММЕНТАРИЙ КАЛТЫРУУ