Түркмөнстан президенти Гурбангулы Бердымухамедов катышкан өкмөт жыйынында жеңил атлетика жарышы үчүн эстафеталык таякчанын үлгүсү бекитилди.
19-январда өткөн жыйында Бердымухамедовго Амулль-Хазар багыты боюнча Улуу Жибек жолун бойлой өтчү жарыш үчүн эстафеталык таякчанын үлгүсүн көрсөтүштү. Түркмөн лидери таякчанын үлгүсүн жактырып, чуркоого даярдык көрүүнү тапшырды.
2017-жылы ноябрда Түркмөнстан президенти Улуу Жибек жолунда автомобиль жарышын уюштурууну тапшырган. Кийинчерээк ал ушул эле багыт боюнча жалпы чуркоо жана веломарафон өткөрүүнү сунуштаган.
Гурбангулы Бердымухамедов – спорт сүйүүчүсү. Жаш кезинде күрөш менен машыккан. Учурда чабандес жана автоспортко кызыгат. 2013-жылы Ашхабадда өткөн Alfa Romeo унаа жарышында чемпион болгон. 2008-жылы Түркмөнстандын эгемендүүлүгүнүн 17 жылдыгына арналган мааракеде ага каратэ боюнча 10-дан ыйгарылган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ