Юрий Бобков иштен кийин үйүнө келатып гезит-журнал саткан күркөдөн саясатты кеңири чагылдырган гезит сатып алган экен. Үйүнө келгенден кийин гезитти өзү окубастан дароо аялына берип:
— Эх байбиче, байкасам шоу гезиттер келиним экөөбүз тууралуу маалыматтарды көбүртүп-жабыртып укмуш саясатташтырып жибериптир. Чынын айтсам, мен деле үй-бүлөлүк саясаттан тажадым. Эмесе бул гезитте кандай саясий жаңылыктар бар экен? Кана, айтып берчи,-деп ошол замат жооп күтүп калыптыр.
Гезиттин 2-бетине бир сыйра көз жүгүрткөн аялы:
– Апей ботом. Экономика министри Артём Новиковго кыргыз тилинен 3 ай сабак берген мугалимге мамлекеттен 36 миң сом бөлүнөт турбайбы. Ал министр андан көрө сага окшоп эле өз алдынча үйрөнүп албайбы, —дептир аялы жылмайып.
Артём үчүн мамлекеттен атайын акча бөлүнөрүнө таң калган Юрий мырза:
– Ой тобоо! Ошондой бекен? Демек, “орус оюндагысын кылат” деген таасын сөз туура эле айтылган экен да,- деп коёт имиш башын чайкап.
Булак: Жаңы Ордо
КОММЕНТАРИЙ КАЛТЫРУУ