Казакстандын Караганды шаарында Кыргызстандан өндүрүлгөн кийимден уулуу формальдегид заты табылганын бир катар казак маалымат булактары жазып чыгышты. Ошол эле учурда «формальдегид нормадан ашык» экени айтылган кийим-кече «Кыргызстанда жасалган» деген ат менен башка өлкөдө тигилиши мүмкүн, мунун артында саясат жатышы ыктымалдыгы боюнча пикирлер айтылууда. Соода жана өнөр жай палатасынын Текстиль комитетинин төрагасы Амир Закиров «муну эксперттер көрүш керек, албетте, иликтөө жүргүзүлүшү керек. Азыр көптөр товарды Кытайдан өндүрүп, аны Орусиянын жана Казакстандын базарларында Кыргызстандын атынан сатып жатышат. Казакстан кытай-казак чек арасында «Хоргос» базарын ачышкан. Алар көптөн бери эле ошол базарды жарнамалап, бизге акысыз орун сунуштап келишет. «Хоргос» базарында Кытайдан келген сапатсыз кийимдер сатылат. Алматыдагы ишкерлер жакын болсо да ал базарга барбастан, «Дордойго» келип товар алышат. Балким бул «Дордойго» тиешелүү кара пиар болушу мүмкүн» деп белгиледи.
Булак: Азия Ньюс
КОММЕНТАРИЙ КАЛТЫРУУ