Накыл сөздөр: Сагызгандар бириккен кезде алардан бүркүт да сестенет

(Түрк макалы)

1. Эгер кыйкырыктын күчү менен эле үй салууга мүмкүн болгондо эшек бир көчө там куруп салмак. (Перси макалы)
2. Жалкоо киши үчүн үйдүн босогосу да тоодогу ашуу сыяктуу.
3. Тамакты жалгыз жеген киши кыйынчылыкты да жалгыз тартат. (Азербайжан макалы)
4. Эгер душманың сенин сырыңды билишин каалабасаң, анда, сырыңды досуңа да айтпа.
5. Өзүн аалым эсептеген наадандан кач.
6.  Адилет сотко муктаж болбош үчүн өзүң адилет бол. (Кабус)
7. Калпычы деле ууру сыяктуу: ууру сенин мүлкүңдү уурдаса, калпычы акылыңды уурдайт. (Аль-Хусри)
8. Согуш-баатырды, ачуу – даанышманды, жокчулук – досту сынайт. (Аль-Харизи)
9. Эгер күнгө далыңды салып турсаң, өзүңдүн көлөкөңдү гана көрөсүң. (Джебран)
10. Кенебестик бардык жамандыктардын себепкери. (Джами)
11. Бирөөнүн кулу болуп алтын кемер тагынгандан көрө, маңдай териң менен тапкан нанды тынч жеген артык.
12. Айкөл жүрөк башкалардын кайгысынын эсебинен курулган бакты-таалайдан баш тартат.
13. Эрдик булчуңдун күчүндө же кылычты чебер шилтей алгандыкта эмес. Эрдик – бул өзүңдү башкарып, адилет боло алуу.
14. Көңүлү жок окуучу канаты жок куш сыяктуу. (Саади)
15. Бактысын баалай албаган киши бактысыздыкка туш болот. (Ибн Сина)