Тажикстанда сел жүрүп, ондогон үйлөрдү талкалап кетти

25-апрелде аймакта катуу жамгыр жаап, суу ташкынына алып келди. Натыйжада каналдардын нугу бөгөлүп, суу айыл тургандарынын үйлөрүн каптады.

Тажикстан Өзгөчө кырдаалдар министрлигинен кабарлагандай, селдин айынан 40тан ашуун короо жай жабыр тартты.

Маалыматтарга караганда, канал 26-апрелде тазаланды. Адам өмүрүнө коркунуч жаралган жок. Чыгымдар такталууда.

Бул арада ошол эле күнү өлкөнүн түштүгүндөгү Яван районунда дагы суу ташкыны катталды. Баткак аралашкан сел Бешкаппа кыштагындагы үйлөрдүн терезесине чейин жеткени айтылууда.

Булак: “Борбор Азия жаңылыктар кызматы”