Бегалы Наргозуев менен Мавлян Аскарбековду 70 миллион сомго сотко берген атамбаевчил Алга Кылычевдин үстүнөн колубузга кызыктуу арыз келип түштү. Аны ошол А.Кылычев жетектеген Кара-Балта «Дан азык» ишканасынын жумушчулары жазыптыр. Өтө көп кызыктуу (тергөө органдары кызыга турчу) маалыматтар бар экен. Аларды биз эмки сандарда териштирип чыгарууну туура көрдүк. Ага чейин, урматтуу Алга мырза, сиздин жогорку билим алганыңызды тастыктачу дипломдорду алып келсеңиз бизге. Болбосо, катта сиз ПТУда поварлыкты окуганыңыз, анан повар болуп Бишкек медучилищесинде иштегениңизди айтып келишти. Анда го эч кандай уят жок. Бирок, сиз көрсө медучилищеде окуганыңызды айтып, Социалдык өнүгүү жана менеджмент боюнча институтунун түз эле 3-курсуна өткөн деп айтышты. «Академия управленияда» дагы 7-апрелден кийин атайын эки айлык курс окуганыңызды «мен ал жерден диплом» алгам дейт экенсиз. Муну моюндайсызбы же калп деп чыгасызбы?
Булак: Жаны Ордо
КОММЕНТАРИЙ КАЛТЫРУУ