Ташкент ИИББ Миграция жана жарандыкты каттоо башкармалыгы жекшемби күнү дагы иштей баштады.
ИИББ басма сөз кызматы кабарлагандай, 1-июлдан тарта биометрикалык маалыматтары жок жарандардын паспорттору жараксыз деп табылат. Паспортун алмаштырбагандар административдик жоопкерчиликке тартылышат.
Андыктан биометрикалык паспортторду алууга үлгүрбөй калган атуулдарды тейлөө үчүн башкармалык дем алыш күндөрү да иштей баштады.
Ташкент ИИББ билдиргендей, майдын ортосунда борбор калаада 1,78 миллион биометрикалык паспорт берилген. Ташкент жашоочуларынын 10% эски документтерин алмаштыра элек.
Өзбекстан эски паспортторду биометрикалык маалыматтарды камтыган документтерге алмаштыруу жараянын 2011-жылы баштаган. Алгач жарандар документтерин 2015-жылга чейин алмаштырып бүтүшү керек болчу. Кийинчерээк өкмөт эски паспорттордун мөөнөтүн дагы 2,5 жылга чейин узарткан.
Булак: «Борбор Азия жаңылыктар кызматы»
КОММЕНТАРИЙ КАЛТЫРУУ