Поезд жана автомобиль каттамдарынын коопсуздугун камсыз кылуу максатында 2018-жылдын 11-июнунан тартып, 15-июньга чейин Бишкек-Нарын-Торугарт автомобиль жолунун Боом капчыгайындагы 122 чакырымында таштарды күч менен кулатуу иштери жүргүзүлөт. Бул туралуу “Кыргыз темир жолу” мамлекеттик ишканасынын Басма сөз кызматы маалымдайт.
Таштарды кулатуу иштери автомобиль жана темир жол каттамдарына олуттуу коркунуч жаратат. Андыктан, 2018-жылдын 11-июнунан тартып, 15-июньга чейин аталган багыт боюнча Ички иштер министрлигинин жол коопсуздугун камсыз кылуу Башкармалыгы тарабынан саат: 9-00 дөн 15-00 гө чейин автомобиль жолу маал-маалы менен жабылып турат.
Автомобиль жолунда 30-40 автомашина чогулуп калса таштарды кулатуу иштер токтотулуп, автомобилдер өткөрүлүп турат. Эскерте кетсек, таштарды кулатуу иштери күндүзү күн ачык мезгилде гана жүргүзүлөт.
Жүргүнчүлөргө келтирилген ыңгайсыздыктар үчүн алдын-ала кечирим сурайбыз жана түшүнүү менен кабыл алуусун суранабыз.
КОММЕНТАРИЙ КАЛТЫРУУ