Жакынкы аралыкта тышкы иштер министри Эрлан Абдылдаев ээлеген кызматынан кетээри бышып калыптыр. Эрлан мырза бир топ жыл Тышкы иштер министрлигин жетектеп, татыктуу иш алып барды. Кыргызстандын тышкы байланышын чыңдоодо үзүрлүү эмгек өтөдү. Бирок бийликке эмнесинен жазды ким билсин, кызматтан кеткени турат. Ордуна Кыргызстандын Россиядагы элчиси Болот Отунбаев келмей болгону кеп болууда. Сыягы, экс-президент Роза Отунбаева инисин министрлик кызматка кудалаган көрүнөт. Президент менен таттуу алакада болуп жаткандын бир пайдасы – инисинин карьерасына камкордук көргөн окшобойбу? Ырас, Болот мырза министрлик кызматты татыктуу тартып кете алат.
Булак: “Фабула”
КОММЕНТАРИЙ КАЛТЫРУУ