Коррупцияга айыпталган Нурлан Сулаймановдун кыскарган иши неге кайра каралбай жатат?

Кайсы гана бийлик болбосун коррупцияга каршы күрөштү кош стандарт менен жүргүзсө элдин колдоосунан бат эле ажырайт. Анын арты бизде тополоң менен коштолгонун көрүп жүрөбүз. Албетте, андай күндү башка салбасын, азырынча биздин көчүбүз түз баратат. Бирок, Нурлан Сулаймановго окшогон жемкорлукка айыпталган адамдардын ээн-эркин басып жүргөнү көпчүлүктү бушайманга салып жатканы эч кимге жашыруун эмес. Козголгон кылмыш ишинин кыскарышы сокур кишини деле кыжалат кылат. Дегенибиз, ушул Сулайманов таптаза дегенге ким ишенет. Кабат-кабат үйлөрдү, акыркы үлгүдөгү жол тандабастарды эмне бул айлыгына алдыбы? Мындай жосунсуз жоруктар турганда эл кантип адилеттүү иштен үмүт кылат. Кыскарган иштерди калыбына келтируү маселеси Президент тарабынан көтөрүлгөн, анын алкагында бул эргулдун иши каралбаса эддин көксөөсү суубайт.

Булак: “Де-Факто”