14-ноябрь кечинде Арменияда партиялар менен блоктордун талапкерлеринин тизмелерин кабыл алуу мөөнөтү аяктады. Өлкөдө мөөнөтсүз парламенттик шайлоо 9-декабрга белгиленген.
Борбордук шайлоо комиссиясынан билдиришкендей, жалпысынан тогуз партия жана эки блок талапкерлеринин тизмесин беришти.
Алардын арасында премьер-министрдин милдетин аткарып жаткан Никол Пашинян жетектеген «Менин кадамым» блогу («Жарандык келишим» жана «Миссия» партияларынан турат), мурда бийликте турган Армениянын республикалык партиясы, «Өнүккөн Армения» партиясы, кайрадан түзүлгөн бүткүл армяндардын «Сасна црер» партиясы, «Республика» жана «Эркин демократтар» партияларынан турган «Биз» блогу, жакында эле түптөлгөн «Жарандын тандоосу» социал-демократиялык партиясы жана башкалар бар.
Арменияда шайлоо өнөктүгү 26-ноябрда башталып, 7-декабрда аяктайт.
Булак: “Борбор Азия жанылыктар кызматы”
КОММЕНТАРИЙ КАЛТЫРУУ