Бүгүн, 15-ноябрда өткөн Жогорку Кеңештин отурумунда депутат Жанар Акаев Кыргызстандын чет мамлекеттердеги элчилеринин 80-90% инвестиция тартуу үчүн эч кандай иштерди жасабай, жөн гана отурушкандыгын билдирген.
Анын айтымында, бардык элчилердин ишине анализ жүргүзүү керек. Инвестиция тартуу үчүн иш жүргүзбөгөн дипломаттарды кызматтарынан бошотуу керек.
Депутат мисалга жакында эле Орусия менен Өзбекстандын ортосунда жетилген макулдашууну келтирди. Анын айтымында, бул сүйлөшүүгө жетүүгө элчилер чоң салым кошкон.
Ал эми Өкмот башчы Мухаммедкалый Абылгазиев өз сөзүндө
“Мен коллективге жаңы Тышкы иштер министри Чыңгыз Айдарбековду көрсөтүп жатканда чет элдеги элчиликтердин эң башкы башкы максаттары- инвестиция жана туристтерди тартуу экендигин дароо айткам. Начар иштеген элчилер бар экенин биз билебиз. Министрлер жана депутаттар башка мамлекеттерге барганда байкап жатышат, элчи начар иштеген өлкөдө биздин мамлекетке болгон мамиле дагы башкача,” – деп билдирген.
Булак:KyrgyzToday
КОММЕНТАРИЙ КАЛТЫРУУ