Курултай демекчи, дал ушул курултай маселесин айта турган болсок чынын айтыш керек, мында айрыкча Кадыр Кошалиевдин эмгеги зор. «Мекен», «Улут», «Мамлекет» деген бөлүнгүс улуу баалулуктарды ыйык тутуп, 20 жылдан бери «ийне менен кудук казгандай» эле болду. Болгону, «аш бышканда» ортодон кошула калгандардын ач айкырык, куу-сүрөөндөрүнүн чаңында калып, анан да ошончо жылдан бери кылган эмгегин талаага кетирип укуругу узундардын куралына айланып бербесе болду? Ошого туруштук берсе анда кандай болсо да алкоого татыйт. Эл ыраазычылыгын айтат. Азырынча алардын кайрылуусуна үңүлсөк: «Курултайдын максаты-авторитардык-кландык бийликтин кайрадан жанданышына каршылык билдиребиз! Мекенчил күчтөр тарабынан уюшулуп жаткан бул Биринчи Курултай коомдогу укуктук аң-сезимди бекмемдөөгө, демократиялык баалуулуктарга карата коомдук пикирлерди билдирүүгө, өнүгүүгө карай аракеттерди жигердентүүгө негиз түзөт деп терең ишенебиз» деп атышат.
Булак: «Айгай-пресс»
КОММЕНТАРИЙ КАЛТЫРУУ