Menu

Чолпон Жакупова: «Урматтуу биздин депутаттар, силер кандай адепсиз желмогузсуңар!»

Бөлүшүү:

Жогорку Кеңештеги депутаттарыбыз айлабызды алты эмес, алтымыш жеринен кетирмек болду го. «Ардактуу» эл өкүлдөрүбүз эл өкүлдөрү болбой эле, «эл өкүртөөрлөрү» болду го! Мынчалык элге жек көрүндү болгон депутаттык корпус деги эле Кыргызстандын тарыхында болгон эмес!

Чын, биздин “доблестүү” «120лар» ар жума сайын жаңы «эврикалары менен» кыжырдантканы күчөп бара­тат, эй! Өткөн жумада, парламенттин жалпы отурумунда өлкөнүн бюджет маселеси талкууланып жатканда де­путат Таабалды Тиллаев дегени бет маңдайында олтурган премьер-ми­нистр Мухаммедкалый Абылгази­евге ушундай бир сунушун айтты дейсиң, таппасаң сыйпалап калгыр­дыкы! «Учурда пенсияга чыгып, би­рок иштеп жаткан пенсионерлердин пенсиясын токтотуш керек» деп. Алар пенсиясын алсын же иштеп аткан ай­лыгын алсын деген маанайда демилге көтөрүп. Таабалды мырзанын мын­дай «табылгасы» ошо замат коомчу­лукту катуу нааразычылыкка бөлөдү, азыркыга чейин да анын аягы басыла элек. Анда, мамлекеттин үч бийлик бутагынын бирден-бири болгон мый­зам чыгаруу бийлигинин эл өкүлү ай­тып жатпайбы, «республикабызда 40 миң адам пенсия алат экен, бул бюджет үчүн оордук кылат» деп. Эми карап көргүлө, Кыргызстанда орточо пенсия 5401 сом, далайлаган муга­лим менен врачтар 2000 сомдун те­герегинде пенсия алышат. Ошол акча менен чоңдорубуз мадырайып туруп алып айтып жаткан «экономикабыз күндөн-күнгө өнүгүп-өсүп бараткан» ушундай заманда бир ай бою жаша­ганга болобу? Алар депутаттарчылап жумушка каалаган убакта келип, ка­алабаса келбей, бирок айлык маяна­сын толук 30 миң сомдон пилус мый­замдагы жазылган привеллегиялары үчүн дагы 40 миң сом, барабар 70 миң сом (кээ бирлери андан да көп) алыш­кандай айлык алышпайт. (Бул жерге депутаттардын спецооруканада бекер дарылангандарын, көл жээгиндеги алар үчүн деп салынган атайы панси­онатында жолдомо менен эс алганда­рын жана дагы чет жакка көп учурда мамлекеттик бюджеттин эсебинен чыккан сапар кайрыктарын кошкон жокпуз.) Андан көрө Тиллаевдин ти­линен «бюджетке оордук болуп жат­са, депутаттар олчойгон айлык албай эле эл үчүн бекер иштебейлиби?» де­ген сөз хотя суроо иретинде чыкса да ошондо эл «азамат бала экен!» де­мек. Антмек кайда-аан.

Депутаттын пенсия тууралуу сөзүнөн кийин эл арасындагы наа­разычылык Нарын дайрасындай күр­күрөп киргенде сөзүн оңдоп, «мен мугалим менен врачтарды айткан жокмун, кеп соттор, бажычылар, каржы полициясынын кызматкер­лери жана укук коргоо органдары тууралуу болчу» демиш этти. Бирок, айтты го, «Кыргызстанда 40 миң адам пенсия алат экен, бул бюджет үчүн оордук кылат экен…» деп. Меж­ду гана прочем, ошол 40 миң адам­дын жарымынан көбүн мугалим­дер менен врачтар жана да калктын аярлуу катмары түзөт. Билбесе, жак­шылап эсептеп чыксын. Баса, анын сөзүндө айтылган укук коргоочулар демекчи, азыр Тиллаевдин тибирт­ке чыгарчу сөзүнө карата мугалим, врачтар эле эмес, укук коргоо тар­магында иштеп жаткан ардагерлер да азыркы тапта катуу эле наараз­ычылыктарын билдирип жатышат. Ошондуктан кайсы чочойгон чоң болсо да элдин социалдык абалы тууралуу кеп айтканда ойлонуп ту­руп сүйлөөсүн өтүнөөр элек. Себеби, кайсы мамлекет болсо да социалдык жактан чыккан нааразычылык ошол мамлекетти ар кандай кырдаалдар­га алып барып коюшу мүмкүн, алып барып да койгон учурлар болгон!

Ал эми Тиллаев айткандай, мыйзам чегинде ала турган болсок, «Пенсия» дегендин эмне экенин болгондо да Жогорку Кеңештин жалпы элдин таг­дырын чечкен мыйзамдарды чыгар­ган мыйзамчы депутатынын билбе­гени «ияна да» бир жолу өкүнүчтүү!

Бул туурасында экс-депутат Чол­пон Жакупова сабакты начар билген окуучуга түшүндүрүп жаткан муга­лимдей сонун түшүндүрмө берди. Аны айрыкча Тиллаев сыяктуу де­путаттар эсине түйүп алышса жашы болмок. «Пенсия – мамлекеттики эмес, ал жарандардын топтогон ак­часы. Бул күнүмдүк жашоонун жана пенсиянын өлчөмү тууралуу маселе эмес! Бул маселе мамлекеттин мил­дети жана жоопкерчилиги! Бул үчүн атуулдар иштеп жаткан учурунда ай сайын Соцфондго беришкен акча­лары. Ошол атуулдар пенсия кура­гына келгенде ал акчаларды мам­лекет кайрып беришке милдеттүү! Соц.фонд ошончологон акчаларды жөн эле кармап тура бербейт, ал ак­чаларды сактап турууда пайыздык киреше алат жана банкта айланды­рат. Силер кандай адепсиз желмо­гузсуңар, урматтуу биздин эл өкүл­дөрү!!!» деп агынан жарылды. Чол­пон Идиновнанын мындай таамай түшүндүрмөсүнөн кийин эч кандай кошумча комментарий берүүнүн да кереги жок деген ойдо калдык. Де­путаттарга мындан ашкан кандай түшүндүрмө керек?

Булак: «Айгай-пресс»

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 17 − = 11

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: