33 жаштагы аялдын өмүрүн алган 7-апрель менен Максим Горький көчөлөрүнүн кесилишинде болгон жол кырсыгына жол кыймыл коопсуздугунун кызматкеринин катышы бар экендиги айтылууда. Бул тууралуу Бишкек шаарынын башкы ички иштер башкармалыгынын жол кыймылынын коопсуздугун камсыздоо кызматынан кабарлашты.
Маалыматка караганда, «Мерседес» унаасын башкарып бараткан милиция кызматкери менен 33 жаштагы аял башкарып бараткан «Тайота» унаасы кагышкан. Натыйжасында укук коргоо кызматкери оор жаракаттар менен ооруканага жеткирилген. Азыр анын абалы оор.
«Жол кырсыгынын кесепетинен аял окуя болгон жерден көз жумган. Материалдар Бирдиктүү кылмыштар реестрине катталып , Бишкек шаарынын БИИБнын тергөө башкармалыгына өткөрүлдү» – деп айтылат маалымата.
Булак:KyrgyzToday
КОММЕНТАРИЙ КАЛТЫРУУ