Кыргыз Республикасынын ички иштер министри Кашкар Джунушалиев, «Коопсуз шаар» долборунун алкагында ишке кирүүчү ИИМдин Жол кыймылынын коопсуздугун камсыздоо башкы башкармалыгынын Мониторинг борборунун даярдыгы менен таанышты. Бул тууралуу КР ИИМдин ЖКККББнын Басма сөз кызматы билдирди.
Мониторинг борбору жайгашкан Бишкек ШИИБи боюнча ЖКККБда К. Джунушалиевди министрдин орун басары А.Орозалиев, Кыргыз Республикасынын ИИМдин ЖКККББнын жана мониторинг борборунун жетекчилиги тосуп алышты.
Маниторинг борборунун башчысы, милициянын полковниги Г.Баратова борбордун жумушунун принциптери жана мүнкүнчүлүктөрү жөнүндө айтып берди. Ошол эле убакытта министрликтин өкүлдөрүн борбордун башка мекемелер менен байланышы жана калкка жеткирүү менен маалымдоо тутуму кызыктырды. Ошону менен эле бирге министр борбор жайгашкан имараттын жана кызматкерлердин кызмат өтөөлөрүнүн даярдыгын текшерди. Жетекчилик тарабынан жалпысынан борбордун даярдыгына оң баа берилди.
КОММЕНТАРИЙ КАЛТЫРУУ